夠惡

從來都唔夠惡,但呢個世界就係人善被人欺。

識左 cheetah mei 之後好 d,不過只學到佢唔夠一成既功力。

人地話戲子無情,我就話報紙無情。

但我諗凡係 commercial field,情形都唔會有乜大分別。

你有問題,無人會幫,d 人只會個個加把嘴,o係背後話你唔掂。

最衰有 d 口痕友,食飽飯柯唔出,總係要兜口兜面講一大堆唔經大腦既野,四圍撩起人把火。

你話唔惡 d 對呢種敗類,點得?

唔知好嬲定好笑

我都無乜 friend o係外國,唯獨得某某。

尋日開緊工果陣佢打黎,好明顯係長途電話。

我話做緊野,不過又問下佢點。

點不知,佢就話我做緊野,咁收線啦。

然後我就話,okay 可以講。

跟住佢果頭就話有電話入,都係收線。

********

喂,好地地打個長途電話黎又唔講,玩野呀!

係咪咁唔捱得先?

好難答,我不嬲都認為自己好捱得,但隨住年紀一路大,發現機器真係容易壞。

如果連續兩日開早放晏,第三日就必然會頭痛想作病,而且訓極都唔夠,總之一個字,支力。

我諗我精神上係捱得既,不過肉體上就……

yeah, i just dun wanna admit it.

食滯左

上個星期五,吃了一碗發水水餃河之後就滯左。仲係好滯果隻。

從來食力就不夠,呢碗水餃河搞到我呢幾日胃口都唔好。

食少少就覺得飽兼有 d 辛苦。

有晚睇拉薩既旅遊節目,featuring 羅家英果集。

家英哥去左睇藏醫,佢都有同我一樣既毛病。

就係好容易食多少少就覺得好飽。

個藏醫話呢 d 叫胃寒喎。(點解都係用中醫 terms?)

我諗真係要搵日睇睇佢,因為呢個問題都有好多年啦。

有人曾經話過我,點解你既腸胃好似阿婆咁架。

阿婆 d 消化能力先會咁弱個喎。

……

假如我是這道牆

我會很高興,多謝你以這樣的方式來悼念我。

********

發現於灣仔市區重建範圍,一間已關閉的銀行門外。

真係想知道係邊個畫。

管理處之離奇告示

話說上果排 lift 口曾出現一張咁既告示,內容上我只能作以下粗略的描述。

請住客不要在深夜時分作以下行為,以免對其他人造成滋擾。

1) 不要穿著皮鞋渡(踱)步。

2) 不要來回拉動椅子或其他傢俬。

3) 管束年幼子女不要彈波子。

4) 不要以身體撞向牆身。

離奇既係,邊有人咁鍾意踱步架?唔通踱完步會好訓 d?仲要指定著皮鞋喎。

無人咁得閒將 d 檯檯凳凳拉來拉去掛。

下,呢個年代既細路仲會玩彈波子?

最令人匪夷所思既係,乜會有人好地地走去撞牆既咩?

********

唉,唔該啦……

now playing: “來不及" from 我從來不是幽默的女生 — 陳珊妮

若我們真的知道 “too late" 的意思,就不會反覆地做出各樣自我中心的事。

當要挽回都已經太遲,就因為一切發生了的都不能重頭來過。