now playing: “last christmas" — wham

大智若愚。

感受聖誕

攝於某工作場。

好想飲粟米湯

好像自從幹了這份工以後，就再沒有喝過粟米湯了。

回到家裡，家人留起的，總是花好幾小時煲成的老火湯。

今天口淡淡，很想吃東西之餘 (其實已經破戒了 )，突然好想飲粟米湯。

尤其當晚上有陣陣涼風吹過的時候，喝一口微燙的粟米湯該可令我身心舒暢吧。

註：上文提及之粟米湯乃由 my mum 自家泡製的。

點解咁潮濕？

病既呢幾日，天氣一直都係咁潮濕，令到成日訓o係床既我覺得更病。

因為潮濕，空氣變得混濁起黎，我更難以分辨，到底係我發燒，抑或天氣根本就係咁熱。

出完一身汗，又再出一身汗。唔冚被又驚冷親，冚被又好熱。

據講今晚會轉吹北風，希望可以順手吹走我的霉氣。

now playing: “相約在八王子" — 野仔

憑歌寄意。

咁樣就過左兩日

呢次腰骨痛原來係事出有因，星期四晚即告失守……發燒！

凌晨 4 點幾，爬起身吐了一會，吃退燒藥，第二朝 9 點幾起床，總叫退了燒。

思緒渾沌但照樣開工，以為無事。但坐車的時候又不時覺得好凍好唔舒服。

卒之捱過第一份 assignment，身體依然好唔妥。

於是同老細報案話去唔到第二個 assignment。

就咁，我返屋企訓咗幾個鐘再返公司，打埋 d 稿。

咁樣，我既病情當然無好到，再次發燒，晚上嘔吐大作。

好不容易捱過這個晚上，第二朝我拖著極軟弱的身軀去看醫生。途中，又嘔了兩回。

醫生給我打了止嘔針，又給了我四大包藥。

如是，我要開始我不能吃東西的日子，並要與寶礦力為伴了。

條腰骨好似唔係自已既

我身上骨火的嚴重程度，已經達到一個要爆炸的地步。

而且係訓幾多都無補於事。

我 feel 到，我切切實實地 feel 到。

外加頭痛，問你死未？